لو انت فى هندسة الازهر .... ازاى تجيب نتيجتك؟

فى عصر الانترنت ...... ووسائل الاتصال الحديثة بقى سهل جدا انتقال المعلومات والبيانات بسرعه فائقه وبسهولة كبيره جدا..... وباستخدام الوسايل دى كل جامعة وكلية فى العالم بقى ليها موقع اليكترونى بتحط عليه معلومات وشروحات وبتقدم من خلاله خدمات للطلبة وفى اخر كل سنه بتترفع عليه النتيجه اللى يقدر اى طالب من اى مكان فى العالم انه يشوفها ويتعرف على نتيجته .....

الكلام ده كله حاصل وبيحصل فى كل حته فى العالم ...... الا كلية هندسة جامعة الازهر .......

لازم الطلبه اللى فيها يتعذبوا شوية علشان يعرفوا نتيجتهم ......

ما بين طمع العمال و روتين الشئون ........ نفضل رايحين جايين ..........

الاول تقدر تجيبها من العمال ( كنترول) بعد دفع الحلاوة لعم فلان ( والنتيجه هنا غير موثوق بها بالمرة)

وبعد كمان اسبوعين يقوللك النتيجه فى الشئون روح اقف على الشباك خدها من الاستاذ بكر .....( مش قادر افهم ليه متتعلقتش على طول ولازم نروح نقف على شباك الشئون )

وتروح للشئون تقف فى طابور طويل علشان يقوللك ناجح ولا ......

نشوف كده بالصور طابور الاستاذ بكر مع طالب عاوز يشوف نتيجته :

ووصل صاحبنا بعد طول انتظار

ويستمر طابور الاستاذ بكر كام يوم كمان... حتى يأتى الاذن بتعليق النتيجه ...... وتعلق النتيجه ورقيا ...

السؤال الملح الان : طبعا الاسماء والنتائج مكتوبه كمبيوتر وقابله للرفع على الانترنت بكل سهوله .... كل ما ينقص حتى تنشر هو موقع تنشر عليه ......... وهو غير متوفر حاليا ...... ولا يوجد الا منتدى او اثنين لا تسمن ولا تغنى من جوع وغير تابعين لادارة الكلية .....

وحتى موقع الجامعهة التى نشرت عليه معظم الكليات لم تنشر عليه نتيجة كلية الهندسة ...

ونفس الحال تقريبا يتكرر فى كليات اخرى غير كلية الهندسة ..


لا أعلم متى سوف نتساوى مع كل طلبة الجامعات فى مصر وفى الدنيا كلها ؟؟؟؟؟


هل اجد من احدكم اجابة تشفى غليلى.......؟

ملحوظه : الصور التى التقطها صور تلقائيه كنت قد صورتها اثناء ما كنت اسعى للحصول على النتيجه ...... وعندما كنت اشاهدها وجدت وجه هذا الطالب تكررت اكثر من مره فطرأت على بالى فكرة عرض الصور فى شكل قصة بعد ادخال هذه الكتابه عليها...... اعتذر لاى احد تضايق لظهوره فى الصور بدون استئذانه..... ...